Myen Hpyen hpung ni Mung Shawa Jakli yawng hpe Gumhpraw hta sha
KIA Dap Ba ( 2 ) ginra, Danai Hka hte Nam Byu Hka Zup lahta kaw du nga ai Myen hpyen hpung ni gaw
December praw ( 29 ) ya shani kawn Hka lam hku dingyang lai wa laisa galaw nga ai Mung masha ni a kunrai htaw jakli yawng hte masha htaw jakli yawng hpe, kunrai htaw jakli ( 1 ) mi Myen Gumhpraw 100,000Ks, masha htaw jakli ( 1 ) mi Myen Gumhpraw 30,000Ks hku nna hta sha nga ai lam chye lu ai.
Dai re ai majaw, ya ten hta Hka lam hku hkawm sa hkawm wa galaw nga ai mung mare masha ni gaw shawoi na hta jakli manu grau jat jaw ra wa ai sha n-ga, Kunrai manu ni mung shawoi na hta grau nna rawt wa ai lam chye lu ai.
