Hpau Daw grup yin de Myen hpyen hpung ni laknak kaba hte Jet nbungli ni hte sa gap gasat

January praw,  2  ya shani hkying  10:10am aten daram hta KIA Dap Ba ( 5 ) Dap Dung ( 3 ) ginra,Uga Bum kawn Hpau Daw KIA hpyen dap

maga de htu shadut lung wa ai Myen hpyen hpung ni hpe KIA hpyen hpung ni Hpau Daw lawu kaw shingla gasat dat ai lam chye lu ai.

Kagam, Nhkram hte Point 1103 kaw dap jung nga ai Myen hpyen hpung ni gaw Nga Gyang, Sama Krung, Law Hpyu hte Hpau Daw grup yin de January, 2 ya jahpawt daw hkying 10:00am kaw na shana daw hkying 5:00pm kaw du hkra laknak kaba ( 200 ) lang daram gap bun ai lam chye lu ai.

January praw, 2 ya shana daw hkying 4:45pm aten daram hta Nam Pawng Nbungli dap kawn rawt wa ai Myen hpyen Jet n bungli ( 8 ) gaw Hpau Daw KIA hpyen dap hpe numdaw ( 4 ) lang sa gap gasat ai lam mung chye lu ai.