KIA ginra de Myen hpyen dap ni laknak kaba gap bun
January, 7 ya jahpawt manap hkying 2:10am aten daram hta KIA Dap Ba ( 2 ) Dap Dung ( 14 ) ginra, Noi Je Bum, Pat Maw grup yin de Mung Hkawng kaw du nga ai Myen hpyen hpung ni kawn laknak kaba hte ( 20 ) lang
jan gap bun ai lam chye lu ai.
KIA Dap Ba ( 5 ) Dap Dung ( 3 ) ginra, Ngwa Le maga de mung January, 7 ya jahpawt manap hkying 2:00am aten hta Myen hpyen hpung ni laknak kaba hte ( 6 ) lang gap bang nhtawm hkying 8:30am aten hta mung Hpau Dau bum mayan de htu shadut lung wa ai Myen hpyen hpung ni hte KIA hpyen hpung ni gasat gala majan byin ai lam chye lu ai. Dai gasat gala majan byin ai shara de mung Myen hpyen hpung ni laknak kaba gap bun ai lam chye lu ai.
KIA Dap Ba ( 6 ), Dap Dung ( 36 ) ginra hta mung, January, 6 ya shana daw hkying 4:30pm daram hta Myen hpyen dap, Dap Nu ( 99 ) kata na hpyen hpung ni hte KIA hpyen hpung ni Man Kawng ntsa bum kaw gasat gala majan byin ai lam chye lu ai.
