MNDAA, TNLA hte Myen hpyen hpung ni gasat gala majan byin
Mungmyit Sinli Ga (Kachin Sub-state) KIA Masat 10 Dap Ba, Masat 17 Dap Dung ginra hta April shata 15 ya shani, Kokang MNDAA, Balawng (Ta-ang) TNLA ni hte Myen hpyen hpung ni gasat gala majan byin ai lam chye lu ai.
Man Mak Bang Gaw Bum makau Loi Hprwi makau kaw, MNDAA ni hte Myen hpyen hpung ni gasat gala majan byin ai. Bai nna TNLA ni hte mung, Mung Yaw makau Loi Chyan makau kaw Myen hpyen dap hte gasat gala majan byin ai lam, shawng lam shi sawk ni kaw na chye lu ai.
Lai wa sai March shata 26 ya shani kaw nna, KIA Masat 17 Dap Dung ginra hta Kokang MNDAA hpyen hpung ni hte Myen hpyen dap ni shawng gasat gala majan byin ai re.
Ya aten KIA Masat 17 Dap Dung ginra ni hta Myen Hpyen Dap, Dapnu 99 kata na hpyen hpung ni naw shamu shamawt nga ai lam, ginra shi sawk ni kaw na chye lu ai.
