Miwa Mungdan kaw bungli sa galaw ai Myen Mung masha ni hpe wa kau shangun

Miwa Mungdan kaw bungli sa galaw ai Myen Mungdan masha mun mi 10,000 jan hpe Miwa asuya ni hku nna, April shata 16 ya shani Miwa Mung hte Myen Mung jarit rai nga ai Loije shagyit (Gate) kaw sa sa ai lam chye lu ai.

Manmaw Ginwang kata na masha ni hpe gaw, kadai mung kade a myo nay kata na salang ni wa woi la na re, nga nna Man Je kaw na salang langai tsun dan ai kaw na chye lu ai.

Buga de du wa ai mungshawa ni hpe tawn da na matu nga shara ni buga shagu hta hkyen lajang da ai rai nna, nhtoi 21 ya quarantine galaw ngut ai hpang ana nmu jang she, tinang a dum nta de wa shangun na re lam chye lu ai.

Miwa mung kaw nna du wa ai bungli galaw masha ni hta marai hkying 8000 daram gaw, Jinghpaw Mungdaw kata na rai nna, ngam ai marai 10,000 daram gaw Mandalay, Sagaing hte kaga mungdaw hkan na re lam chye lu ai.