2019-2020 hpaji ladaw tsang (10) sanpoi awng jahpan ndau
2019-2020 hpaji ladaw tsang (10) sanpoi awng jahpan hpe April shata 25 ya jahpawt Wunpawng Mungdan Shanglawt Asuya Ginjaw Hpaji Dap ni ndau shapraw da ai kaw na chye lu ai.
KIO uphkang ginra kaw hpaw sharin nga ai dakkasu jawng shang sanpoi htai ai jawngma ni yawng marai 669 htai ai hta na marai 330 tup awng pru ai re.
Awng pru ai jawngma ni hta ningtawn ginhpan (Subject, Distinction) pru ai marai 15 lawm ai re. Laiza Lahta Tsang Jawng na Shayi Lama Seng Htoi gaw, Economic, Physics, Chemistry hte masat madang langai lu ai.
Masat madang lahkawng hte masat madang masum hpe gaw, Mungmyit Sinli Lahta Tsang Jawng na Shadang Lashi Ya Ku, English, Biology, Chemistry lu ai rai nna, Shayi Dumdaw Htoi Nu gaw, Physics, Chemistry hte masat madang masum lu ai re.
Wunpawng Mungdan Shanglawt Asuya kaw nna, lahta tsang jawng 7 hte Mai Ja Yang Amyusha College, Mai Ja Yang Institute of Education, Mai Ja Yang Federal Law Academy, Mai Ja Yang Institude of Liberal Arts and Science (ILAS) jawng ni hpe litla nga ai re hpe chye lu ai.
