Myen hpyen dap Tatma ( 99 ) kata na hpyen hpung ni gasat gala majan byin ai hte Myen hpyen Hpung ni Mung shawa ni nta wan nat kau ya
January praw 17 ya jahpawt hkying 7:00am aten daram hta KIA Dap Ba ( 4 ) Dap Dung ( 8 ) ginra, KIA hpyen hpung ni nga ai Man Ping Bum marawn de
Myen hpyen hpung ni htim gasat lung wa ai majaw gasat gala majan byin ai lam chye lu ai.
KIA Dap Ba ( 6 ) Dap Dung ( 36 ) ginra, Mung Baw, Nam Dau kaw Myen hpyen dap Tatma ( 11 ) hte ( 99 ) na pawnghpawm hpyen hpung ni hte KIA hpyen hpung ni gasat gala majan byin ai lam mung chye lu ai.
January praw, 16 ya shani Myen hpyen dap Tatma ( 99 ) kata na hpyen hpung ni kawn Mung Gu, Man Ping mare na Mung masha ni a dum nta ( 3 ) hpe wan nat kau ya nna January praw 17 ya shani mare hta naw ngam nga ai dum nta ni hpe mung wan nat kau ya ai lam chye na lu ai.
