KIA Dap Ba ( 3 ) ginra hta gasat majan matut byin
KIA Dap Ba ( 3 ), Dap Dung (12) ginra Nam Lim Pa, Man Dat mare hkan dap jung nga ai Myen hpyen hpung ni, January 18 ya jahpawt hkying 6:00am aten, Saga hte Hka Len mare kaw nna,
KIA Masat ( 12 ) Dap Dung Daju, Man Gau Bum shara de, laknak kaba hte matut manoi gap sharu bun nga ai lam chye lu ai.
Bai, Myen hpyen ni gaw, hpyen man ( 5 ) hku hpaw nna htim gasat lung wa ai hpe KIA hpyen hpung ni laja lana hkap shingla gasat ai lam chye lu ai.
