( 8 ) lang na Mangshi Ginwang Ramma sharin hpawng galaw
Miwa Gumsan Mungdan, Mangshi Ginwang, Sishan Buga, Bangbut mare Nawku htingnu hta, Mangshi Ginwang Ramma Komiti ni woi awn nhtawm, January 19 ya shani kaw nna, 21 ya shani du hkra,
“Manu Dan ai Ramma” ngu ai gabaw hte sharin hpawng hpe galaw ai lam chye lu ai.
“ Ndai sharin hpawng a yaw shada ai lam gaw, ( 1 ) Ramma ni hpe Karai mungga hku zinlum la ai lam, ( 2 ) Jawng dat ai aten hta Ramma ni hpe zinlum ai lam, ( 3 ) Chyum laika hpe chye hti chye hkaja sa wa na matu, ( 4 ) Ramma hpung masha ni hpe sasana galaw ai lam re ” nga nna Mangshi Ramma hpa-awn Tsap Mung Lawt tsun ai.
Sharin hpawng hta Sara Lahpai La Ting hte Sara Mwihaw Naw Din yan sharin ya ai rai nna, Ramma yawng marai ( 92 ) shanglawm sharin la lu sai re lam Ramma hpa-awn matut tsun ai re.
