KIO Uphkang ginra kata Qurantine hkam la nga ai masha marai 193 nga sai
KIO Asuya Uphkang ginra kata na hkamja lam jep chyoi dabang ni hta May shata 27 ya shani du hkra rai yang, hkamja lam masam maram hkamla nga ai masha yawng marai 193 nga ai lam chye lu ai.
Mai Sak pa hkamja lam jep chyoi dabang kaw marai (12), Alen Bum hkamja lam jep chyoi dabang kaw marai (113), Pajau Sha-it Yang hkamja lam jep chyoi dabang kaw marai (19), Hpalap Naru hkamja lam Jep chyoi dabang kaw marai (6), Dum Bung hkamja lam jep chyoi daabang kaw marai (1), Sinpraw Ginwang Mai Ja yang hkamja lam jep chyoi dabang kaw marai (32) Lana zupja hkamja lam jep chyoi dabang kaw marai (10) yawng marai (193) nga ai re hpe Hkamja Lam jep chyoi dabang lit nga Salang ni kaw na chye lu ai.
KIO UPhkang ginra kata hkamja lam jep chyoi dabang 8 hpaw da ai hta Mung Lai Hkyet Hkamja lam jep chyoi dabang hta gaw Covid-19 machyi masha ni hpe tsi gawn lajang na matu tsi rung hku nna hpaw masat tawn ai rai nna, ya aten tsi tsi hkamla ai langai mi mung garai nnga shi ai re.
KIO Uphkang ginra kata Covid 19 ana zinli makawp ninghkap ai ten hkrun lam hkawm ai lam, poi shingra hpawng chyawm ai lam n galaw na matu hte Covid 19 ana zinli makawp ninghkap na matu masat jahkrat da ai tara ni hpe hkan sa shatup na matu June (15) ya shani du hkra nhtoi bai jat masat ai lam nga ai re hpe Ginjaw Covid-19 Ana Zinli Makawp Ninghkap Komiti kaw na chye lu ai.
