Seng Mai mare akyu hpyi bum kaw Myen hpyen dap ni hkam tawn ai Bawm hpe shaw kau lu

Gangdau Yang mare a Sinna maga, Seng Mai mare akyu hpyi bum kaw ginra shimlam lit la ai KIA hpyen hpung ni sa du ai shaloi, Myen hpyen hpung ni nga lai ai hkang hpe mu nna,

ntsen nhten jep jasan ai shaloi, Bawm hkam tawn ai hpe mu ai majaw, Fabruaruy praw, 1 ya shani shaw kau lu ai lam chye lu ai.

Myen hpyen dap a Bawm gaw shaning nana hkam ai baw re majaw, ya na zawn nlu shaw kau ai rai yang akyu hpyi sa ai Mung chying sha law law si hkala wa chye ai re lam, Bawm tam jasan sara wa tsun ai kawn chye lu ai.