Hpyen yen mungmasha ( 1 ) hpe Myen hpyen hpung ni sat kau ya

KIA Dap Ba ( 5 ), Dap Dung ( 3 ) ginra, Hkau Shau hpyen yen dabang kaw nga ai, salang Saugaw Tu ( Lisu ) a kasha, shadang Zau Paw hpe January, 31 ya shani Myen hpyen dap Ts.K.Hk ( 3  )

kata na hpyen hpung ni sat kau ya ai lam na chye lu ai.

Shadang Zau Paw gaw, Zai Awng hpyen yen Nta kaw ngam da ai arung arai hpe wa la ai laman, rim sat kau hkrum ai lam chye lu ai.

Zai Awng hpyen yen dabang gaw, lai wa sai December, 28 ya shani Myen hpyen dap ni kawn laknak kaba hte dabang de gap bun wa ai majaw, yen kau da ai shara re hpe chye lu ai.