KIO Uphkang Ginra kata Quarantine hkamla ai masha jahpan
KIO uphkang ginra kata na hkamja lam jep chyoi dabang ni hta, July shata praw 8 ya shani, hkamja lam masam maram hkamla ai masha marai (239) nga ai lam, Hkamja lam jep chyoi dabang lit nga ai Salang ni kaw na chye lu ai.
Mai Sak Pa hkamja lam jep chyoi dabang kaw marai (27), Mung Lai Hkyet Hkamja lam jep chyoi dabang kaw marai (60), Laiza Muklum Myitkina Hotel Quaratine Dabang kaw marai (24), Pajau Sha-it Yang hkamja lam jep chyoi dabang kaw marai (10), Hpalap Naru Hkamja lam jep chyoi dabang kaw marai (9), Sinpraw Ginwang Ginjaw Mai Ja Yang Hkamja lam jep chyoi dabang kaw marai (62), Manmaw Ginwang, Lana Zupja hkamja lam jep chyoi dabang kaw marai (47) yawng marai (239) nga ai re hpe chye lu ai.
Ya aten du hkra hkamja lam masam maram Quarantine hkamla ai masha marai (1200) jan nga sai rai nna, Hkamja lam ntsen nhten ai masha marai (110) ana jep ai lam nga ai raitim, ana jep mu ai lam nnga shi ai re hpe chye lu ai.
COVID-19 ana zinli makawp ninghkap ai ten, masat jahkrat da ai tara matut hkansa na matu, July shata 15 ya shani du hkra nhtoi bai jat masat da ai lam nga ai re hpe Ginjaw COVID-19 Ana Zinli Makawp Ninghkap Komiti kaw na chye lu ai.
