Aung Mye Tit mare na La kasha langai hpe Myen hpyen hpung ni rim woi mat
Wai Maw Ginwang, Aung Mye Tit mare hta nga ai shadang Marip Zau Lai hpe KIA ni hte matut mahkai galaw ai ngu mara shagun nhtawm February 13 ya shani Myen hpyen
Hk.L.Y ( 58 ) dap hte Lisu Pyi Tu Tsit hpyen hpung ni sa rim woi mat ai lam na chye lu ai.
Ya aten hta Myen hpyen hpung ni gaw Wunpawng Amyu Sha ni hpe mara tam, rim lahkawn, adup zingri ai lam ni law wa nga ai majaw, Mung mare masha ni sadi maja let hkawm sa na lam buga Salang ni tsun ai kaw na chye lu ai.
