Kachin Sub-State ginra hta gasat gala majan matut byin
Mungmyit Sinli Ga, Kachin Sub-State ginra, Namhpak Ka Ginwang, Nawm Maw Pa hte Nam Hkam lam mahkrai kaw February, 15 ya jahpawt hkying 5:00am aten kawn hkying 7:45am
aten laman Myen hpyen dap hte TNLA hpyen hpung ni ang katut gasat gala majan byin ai lam chye lu ai.
Gasat majan byin ai shara de Namhpak Ka mare kaw dap jung nga ai Myen hpyen Hk.L.Y ( 123 ) dap ni laknak kaba hte ( 6 ) lang gap bun ai lam chye lu ai.
February 14 ya shani hkying 1:00am aten daram hta KIA Dap Ba ( 4 ), Dap Dung ( 17 ) ginra, Mungjet maga kawn rap wa ai Myen hpyen hpung hte KIA hpyen hpung ni Mung Yaw Bang Shau mare kaw ang katut gasat gala majan byin ai lam na chye lu ai.
