Kachin Amyu Sha Mungshawa zuphpawng kaba hpe Myen Balik ni hkum pat

Myitkyina Muklum Manau Wang Majoi Gawknu hta Kachin Amyu Sha mungshawa zuphpawng kaba hpe dai ni February 16 hte 17 lahkawng ya galaw na matu hkyen nga ai kaw dai hpawt hkying 8:30am aten daram hta Myen Balik ni sa hkum pat kau ya ai lam na chye lu ai.

Manau wang kata nga ai ni hpe le na ahkang jaw tim shang na ni hpe gaw ahkang njaw ai lam, chyinghka lam shagu hta Balik ni pat shingdang nga ai lam zuphpawng shanglawm sa ai

salang langai tsun ai kaw na chye lu ai.

Ndai Kachin Amyu Sha Mungshawa zuphpawng kaba hpe Wunpawng Mungbawng Rapdaw WMR kaw nna woi awn galaw ai re. Ya galaw na Kachin Amyusha mungshawa zuphpawng kaba gaw du wa na tsaban 21 Panglong zuphpawng a matu taunau hkyen shajin, masha lata san ai zuphpawng re lam chye lu ai.

Zuphpawng hpe dai hpawt kawn hpang na hkyen ai raitim pat hkrum ai majaw, WMR salang ni hte Asuya salang ni bai bawngban jahkrup nna, shana daw hkying 3:00pm aten hta zuphpawng galaw na ahkang lu sai lam hpe mung chye lu ai.