KIO uphkang ginra kata Quarantine hkamla ai masha jahpan
KIO uphkang ginra kata na hkamja lam jep chyoi dabang ni hta August shata praw 4 ya shani hkamja lam masam maram hkamla ai masha marai (142) nga ai lam hkamja lam jep chyoi dabang lit nga ai salang ni kaw na chye lu ai.
Mai Sak Pa hkamja lam jep chyoi dabang kaw marai (6), Mung Lai Hkyet hkamja lam jep chyoi dabang kaw marai (47), Laiza Muklum Myitkyina Hotel Quarantine dabang kaw marai (15), Pajau Sha-it Yang hkamja lam jep chyoi dabang kaw marai (12), Hpalap Naru hkamja lam jep chyoi dabang kaw marai (3), Sinpraw Ginwang Ginjaw Mai Ja Yang hkamja lam jep chyoi dabang kaw marai (42), Manmaw Ginwang Lana Zupja hkamja lam jep chyoi dabang kaw marai (17) yawng marai (142) nga ai lam na chye lu ai.
COVID-19 ana zinli makawp ninghkap ai ten, Quarantine nhtoi hpe nhtoi (5) ya masat da ai rai nna, masat jahkrat da ai tara ni hpe matut hkansa shangang shakang na matu, Augutst shata (15) ya shani du hkra nhtoi bai jat masat da ai hte masha marai (50) hta jan nna hpawng chyawm ai lamang ni n galaw na matu mung masat da ai lam nga ai re hpe chye lu ai.
