Amyu baw sang laknak lang rawt malan wuhpung ni ( 3 ) lang ngu na zuphpawng galaw

NCA ta masat lekmat garai nhtu ai laknak lang rawt malan wuhpung dat kasa ni ( 3 ) lang ngu na manhkrum bawngban hpawng hpe “Wa” Mung madu uphkang ginra, Pangkham

Muklum hta dai ni February 22 ya shani kaw nna 24, masum ya laman galaw sa wa na re lam chye lu ai.

Dai zuphpawng hta bawngban sa wa na lam ni gaw, du wa na tsaban 21 Pang Lung zuphpawng hta gara hku shanglawm sa wa na lam, simsa lam ni hte seng nna ningmu jahkrum ai zuphpawng re lam chye lu ai.

Zuphpawng hta shanglawm ai ni,( KIO/KIA ), ( ULA/AA ), ( MNDAA ), ( PSLF/TNLA ), ( SSPP/SSA ), ( PSC/NDAA ), ni re lam, ( KNPP ), hte ( NMSP ) na dat kasa ni gaw lam amyu myu a majaw masha hkum nlu du ai raitim laika hku nna tang madun bawngban lawm na re lam, laksan saw shaga da ai manam marai lahkawng mung lawm ai lam ndau shabra laika kaw na chye lu ai.