KIA Dap Dung (9) ginra hta laja lana gasat gala majan matut byin

Mungmyit Sinli Ga, (Kachin Sub-state) Kuthkai Ginwang, KIA Dap Ba (6) Dap Dung (9) ginra Namti Bum kaw, September shata praw 6 ya shani Myen Hpyen Dap, Dapnu (88) kata na hpyen hpung ni hte KIA ni laja lana gasat gala majan matut byin ai lam na chye lu ai.

Myen hpyen hpung ni gaw, KIA hpyen hpung ni shara la nga ai, Namti Bum de htu shadut lung wa ai majaw, dai hpawt hkying 9:00am aten kaw na, hkying 3:00pm aten du hkra, hkring dat gap dat rai taw ai, nga nna shawng lam na salang langai shana wa ai kaw na chye lu ai.

Dai ni mung Myen hpyen dap gaw, Kuthkai maga na hpyen mawdaw 5 hta hpyenla hpring hpring htaw nna, Muse maga lai lung wa sai lam, ginra shi sawk ni shana wa ai.

Myen hpyen dap ni, September shata praw 2 ya shani kaw nna, KIA ni nga ai shara de shamu shamawt htu lung wa ai majaw, shani shagu ngu na gasat gala majan bai byin nga sai re.