Shadan Pa lamu ga manghkang hte seng nna Nmawk ေျမဦးစီး Rung kaw bai san jep ai lam galaw
ေျမလြတ္၊ ေျမလပ္နွင့္ ေျမရုိင္းမ်ား ဥပေဒ hte zingla hkrum ai Shadan Pa mare masha ni a lamu ga manghkang hte seng nna September shata 11 ya shani Nmawk ေျမဦးစီး Rung kaw U Naing Win hpung ni marai 3, Da Seng mare uphkang salang hte Shadan Pa mare masha ni hpe san jep ai lam galaw ai re hpe chye lu ai.
Laiwa sai August shata 25 ya shani Shadan Pa mare masha ni laika bang da ai hta, ျပည္နယ္ေျမစာရင္းဦးစီးမွဳး hte ၀န္ႀကီးခ်ဳပ္ Rung kaw nna U Naing Win shawk shawn da ai lamu ga Eka 400 gaw ေျမလြတ္၊ ေျမလပ္နွင့္ ေျမရုိင္း nre lam, ndai hpe Shadan Pa mare masha ni myit nhkrum ai, ninghkap ai lam ni nga ai majaw, တည္ဆဲဥပေဒ hte maren seng ang ai ေျမစာရင္း lawu tsang rung kaw sagawn hparan na matu laika bai htang wa ai majaw, Nmawk ေျမဦးစီး Rung kaw U Naing Win hpung ni hte Shadan Pa mare masha ni hpe san jep ai lam ni galaw ai re nga nna Shadan Pa mare masha Salang langai tsun ai.
“Hpung masum hpe san jep ai lam nga sai, anhte gaw gara hku ma anhte lamu ga hpe nlu jaw ai. Hpyen yen taw ai majaw yen kau da ai re, ေျမလြတ္၊ ေျမလပ္နွင့္ ေျမရုိင္း ngu ai gaw anhte Shadan Pa kaw nnga sai, lama na ra ai rai yang nam maling nga ai shara de sa shawk la mu ngu tsun da ai” nga nna tsun ai.
Laiwa sai September shata praw 3 ya shani hta mung ndai lamu ga hte seng nna sha, Laiza Ginwang Uphkang Rung kaw Shadan Pa mare masha ni hte U Naing Win hpung ni hpe shaga nhtawm, san jahkrup ai lam galaw ai hta, lamu ga labau hte seng ai lam hpe tsun sang lang dan ai lam galaw ai rai nna, Shanglawt Asuya kaw nna mung Modo lam lawu de kadai hpe mung lamu ga la na ahkaw ahkang n jaw da ai, hpyen yen ni mung naw rai taw ai majaw, Kongsi kaw nna matsun nga ai hte maren ndai hku masa nga ai nga nna tsun ai lam ni nga ai re hpe chye lu ai.
U Naing Win shawk shawn la ai Shadan Pa mare masha ni a lamu ga gaw ေျမလြတ္၊ ေျမလပ္နွင့္ ေျမရုိင္း nre majaw, ndai lamu ga hte seng nna seng ang ai ni kaw nna Shadan Pa mare masha ni ra sharawng ai hku n galaw ya ai rai yang, lamu ga hpe nlu yang lu hkra matut galaw sa wa na re lam, Shadan Pa mare masha Salang Lahpai Awng Naw tsun ai.
Ndai lamu ga amu hte seng nna မိုးေမာက္ျမိဳ.နယ္ lamu ga hte seng ai komiti ni kaw nna Shadan Pa mare masha ni a lamu ga hpe tatut sa maram ding lik yu nhtawm, သံုးသပ္ခ်က္ ka nna Manmaw Ginwang de tang madun ai hpe Maimaw Ginwang kaw nna Jinghpaw Mungdaw Asuya de tang madun nhtawm, Jinghpaw Mungdaw Asuya kaw nna jep chyoi nna bai hparan dawdan sa wa na re lam ntsa lam chye lu ai.
Shadan Pa mare gaw မိုးေမာက္ျမိဳ.နယ္၊ ေဒါ့ဖုန္းယန္ျမိဳ ့၊ မံေမာ္ေက်းရြာအုပ္စု kata na mare rai nna, nta htinggaw 63 nga ai re lam, ndai lamu ga gaw 2011 ning June shata kaw nna Myen Hpyen Dap hte KIA Hpyen Dap ni gasat poi byin wa ai majaw, Shadan Pa mare masha ni hpyen gan koi yen nga ai ten, Jan Mai Kawng kaw nga ai U Naing Win hte marai 8 wuhpung ni gaw Myen Asuya kaw ေျမလြတ္၊ ေျမလပ္နွင့္ ေျမရုိင္းမ်ား ဥပေဒ hte shawk shawn la ai re.
