KBC a ( 129 ) lang na EC Komiti zuphpawng galaw ngut
Kengtung Ginwang, Hwehka buga hpung hta Jinghpaw Wunpawng Hkalup Hpung Ginjaw a ( 129 ) lang na dawdan Komiti zuphpawng hpe February, 23 ya shani kaw nna 25 ya laman
galaw ai lam na chye lu ai.
Dai hpawng hta KBC kata na magam dap report hte KBC Ningbaw, Amu Madu ni tang shana wa ai report ni, shawnglam hta grau hkrak hkra galaw sa wa na magam bungli a matu bawngban dawdan ai EC zuphpawng re lam zuphpawng hta lawm ai sara langai tsun ai kawn chye lu ai.
Matut nna ( 29 ) lang na kasa hpawng hpe mung February 26 ya shani manam zup nna March praw, 2 ya shani duhkra dai shara kaw sha bai galaw na re lam, dai zuphpawng gaw du wa na 2018 ning hta Waimaw Ginwang kaw galaw na ( 38 ) lang na KBC hpung shawa zuphpawng a matu, tau hkrau hkyen shajin bawngban ai zuphpawng mung re lam chye lu ai.
