Sam Mung Wunpawng Amyusha Hkringmang hte mungmare masha ni hkrumzup hpawng galaw

Mungmyit Sinli Ga (Kachin Sub-state) Muse Htunghking wang kaw  September shata 23 ya shani hkying 11:00am kaw nna 2:00pm aten laman hta Sam Mung Wunpawng Amyusha Hkringmang Salang hte mungmare masha ni 2020 ning ra lata poi hte seng nna myit sharawt hkrumzup hpawng galaw ai lam na chye lu ai.

Ya na zawn hkrumzup hpawng galaw ai lam gaw, 2020 ning ra lata poi hta Wunpawng amyu sha ni gara hku shang lawm ra na lam, ra lata poi hta gu gu ra ra sindan laika pa sa du shang lawm bang na lam ni bawngban la lu sai rai nna, Du Wa Tangbau Zuk Dau kaw nna sha hkringmang magam bungli hpe matut gun hpai sa wa na re lam, Sara Sumlut Gun Ung tsun dan ai kaw na chye lu ai.

Hkrumzup hpawng hta Muse mare kata na mare hpung kanu kawa ni, ramma ni hte amyu shayi ni shang lawm ai rai nna, ya na zawn myit sharawt hkrumzup bawngban ai lam hpe Wunpawng amyusha ni law malawng shanu nga ai Mungmyit Sinli buga ginra ni hkan matut nna galaw sa wa na masing nga ai lam na chye lu ai.

Photo Credit; Mission