Myitkyina Muklum kata ေသြးလြန္တုတ္ေကြး ana byin ai masha marai 60 jan nga

Myitkyina Muklum kata June shata praw kaw nna ေသြးလြန္တုတ္ေကြး ana byin hpang ai hta, ya aten du hkra rai yang tuk kwi ana byin ai masha marai 60 jan nga ai lam na chye lu ai.

Ndai tuk kwi ana gaw May shata hpang jahtum bat kaw nna byin hpang nga sai raitim, ana laja lana byin ai lam nre sha, Manghkring, ၾကက္ေပါင္ၿခံ၊ စက္မႈ hte Dap Kawng mare ni hta gaw, September shata htum maga kaw nna asak 15 ning a npu na Ma ni hta grau law malawng byin hkrum hkra nga ai lam, Dap Kawng Mare Uphkang Salang Maran Bawk Naw tsun dan ai.

“Ndai tuk kwi ana gaw May shata hpang jahtum na bat kaw nna byin hpang nna ya ndai October shata praw du hkra byin chye ai, daining gaw shawng daw de nau nbyin nna, September shata tup marang nau htu nna jan mung grai ja ai majaw Ji Grawng ni kraw nna byin ai rai nga, anhte kanu kawa ni mung tinang dum nta hpe atsawm sha jasan jaseng lam n galaw ai majaw re ngu hpe chye lu ai” nga nna tsun dan ai.

Ya aten Dap Kawng mare kaw asak 5, 6 ning npu na Ma ni hta tuk kwi ana byin ai masha marai 7 nga ai rai nna, ဆင္ဘို၊ သာေလာၾကီး ginra ni hta mung tuk kwi ana laja lana byin hkrum hkra nga ai lam na chye lu ai.