KSPP, Man Je mare kaw Me dang na matu gahkin gumdin lam galaw
Kachin State People’s Party (KSPP) kaw nna, October shata praw 3 ya shani hkying 9:00am aten kawn, shana de hkying 4:00pm aten du hkra 2020 ning ra lata poi hta Me dang na matu mungshawa ni hpe gahkyin gumdin ai lam galaw ai hpe chye lu ai.
Ndai lam hte seng nna, Man Je mare hta ra lata awng ai ningbaw salang wa tsun ai hta “KSPP du wa na ra lata poi Hkringmang rapdaw hta anhte a rapdaw salang ni awng dang ai lam lu na matu, ramma ni hte myit n gun shabawn nna, shamu shamawt ai lam re” nga tsun ai.
Ndai zawn galaw ai a majaw, Man Je hku nna ra lata poi hta shang lawm shing jawng na rapdaw salang ni awng dang ai lam lu la ai hte Party hku nna mung, awng dang ai lam lu na matu galaw ai lam re hpe chye lu ai.
Ya zawn galaw ai a majaw, ramma ni hpe myit gahkyin gumding shangun lu ai hte mungshawa ni hpe mung Party a lam hpe tsun dan lu ai lam re nga salang wa matut tsun ai.
Man Je Ginwang hta ya na zawn galaw ai lam gaw, shawng nnan lang galaw ai lam rai nna, Myen, Sam kahtawng yawng kaw galaw na lam chye lu ai.
Dai ni shang lawm shamu shamawt ai lam hta rapdaw kaw shang lawm shing jawng na salang yen hte masha n gun 75 shang lawm ai lam chye lu ai, matut nna mung kaga mare kahtawng hkan galaw sa wa na re lam chye lu ai.
