Hpakant Muklum kata na COVID-19 ana kap hkrum ai machyi masha ni yawng tsi rung yu ahkang lu
Jinghpaw Mungdaw kata COVID-19 ana kap bra ai law dik htum shara rai nga ai, Hpakant Muklum kata na COVID-19 ana kap hkrum ai machyi masha ni marai 35 gaw ana hkyemsa wa ai majaw, tsi rung yu ahkang lu sai lam na chye lu ai.
Hpakant Muklum hta gaw October shata praw 8 ya shani kaw nna ana kap hkrum ai machyi masha ni yawng tsi rung yu sai rai nna, mare pru shang gate ni hpe mung dawm kau sai lam, Amyu Sha Zinlum Hpung Amu Madu Sara Dashi Naw Lawn tsun dan ai.
Ya aten Hpakant Tawng Pyu mare hpe sha lockdown jahkrat nhtawm, hkawmsa hkawm wa ahkang pat hkum da ai rai nna, ana kap hkrum ai machyi masha ni hte hkrum shaga masha ni hpe Quarantine bang nhtawm ana jep chyoi ya nga ai lam, ana hkyemsa nna tsi rung yu ai machyi masha ni hpe mung, dum nta kaw naw yu maram gawn lajang nga ai lam na chye lu ai.
Jinghpaw Mung kata COVID-19 ana jep mu lu ai masha yawng marai (51) du nga sai rai nna, tsi rung tsi gawk ni hta tsi tsi hkamla nga ai machyi masha marai 8 hte ana hkyemsa wa ai majaw tsi rung yu ai masha marai 43 nga sai lam, Jinghpaw Mung Mungshawa Hkamja Dap kawn ndau da ai lam mu chye lu ai.
