Washawng mare makau grup yin kaw Myen hpyen hpung ni shamu shamawt nga ai majaw gasat poi byin wa na hpe mungmare masha ni hkrit tsang nga
KIA Masat (5) Dapba, Masat (3) Dap Dung ginra, Sadung Ginwang, Washawng Ninghtawn, Washawng mare hte Woi Ba mare makau grup yin, KIA hpyen hpung ni hte ni kahtep ai shara kaw ေျမာက္ပိုင္းတိုင္း kaw na pawnghpawm Myen hpyen hpung ni gaw Ra lata poi Me bang na ga baw hte hpyen man 2 hku shamu shamawt wa ai majaw, gasat poi byin wa na hpe mungmare masha ni hkrit tsang nga ai lam, ginra masha ni tsun shana wa ai kaw na chye lu ai.
Myen hpyen hpung ni gaw Me bang na ga baw hte Washawng mare baw hte Woi Ba mare baw kaw dap jung shara jahkrat nga ai rai nna, October shata 17 ya jahpawt hkying 6:00am aten hta mung, Myen hpyen hpung n-gun 80 daram gaw nam de shamu shamawt wa ai majaw, yi sun hkauna galaw sha ai mungmare masha ni hte hkrum katut nna mungmare masha ni mare de hprawng pru wa ai lam, buga masha langai tsun dan ai.
Ya aten Myen hpyen hpung ni gaw Washawng mare baw kaw nga nna hpyen shamu shamawt ai lam dingyang galaw nga ai re sha n-ga, KIA Post hte ni kahtep ai shara re majaw, gasat poi ni byin wa na hpe mungmare masha ni grai hkrit tsang nga ma ai lam na chye lu ai.
