Myitkyina Muklum kaw COVID-19 ana Positive masha marai 7 hpe bai jep mu
Myitkyina Moe Kaung Kin Modo gate kaw na gate Mu U Awng Thu Ya asak 35 ning, madu jan Daw Ma Mya Su asak 28 ning, Kanu Daw Mi Mi Khaing asak 56 ning ni hte rau dum nta masha marai 8 hpe October shata 18 ya shani ana jep chyoi ai hta, marai 7 hpe COVID-19 ana positive jep mu ai lam na chye lu ai.
COVID-19 jep mu lu ai marai 7 gaw Myitkyina Muklum kata na rai nna, ya aten ana jep mu ai machyi masha ni hpe Myitkyina Mungshawa Tsi Rung kaw tsi tsi hkam la na matu sa da sai lam, Moe Kaung Kin Modo daru kaw na bungli galaw masha marai 2 hpe mung ana jep ai hta, marai 1 hpe gaw ana jep mu ai rai nna, marai langai gaw COVID-19 positive nmu ai raitim, Myitkyina College kaw Quarantine bang da sai lam, Dap Kawng Salang Maran Bawk Naw tsun dan ai.
Jinghpaw Mung kata Hpakant gaw COVID-19 ana zinli kap bra ai sawng dik htum ginra rai nna, Myitkyina, Mu Nyin, Waimaw, Mugawng, Nmawk, Shwe Ku ginra ni hta mung ana kap ai masha ni nga sai hte ya aten Jinghpaw Mung kata COVID-19 ana kap hkrum ai masha yawng marai 90 daram du nga sai majaw, shinggan pru shagu Mask hpe atsawm sha jai lang ra na lam, n ahkyak yang shinggan de majoi npru hkawm ai sha COVID-19 ana zinli hpe shawoi hta grau sadi maja let makawp maga sa wa ga nga nna Salang Maran Bawk Naw tsun lajin da ai re.
Photo Credit; EPN
