Myen hpyen hpung ni Mungmasha marai lahkawng hpe mara kata adup zing ri

Sinna Ginwang Ginjaw, KIA Dap Ba ( 2 ) ginra, Jahtu Zup mare hte deng ( 2 ) daram tsan ai Hkaw Law Hka maga hku lai wa ai Salang Hka Len Zau Hkawng asak ( 50 ) jan, hte Salang

U Nay Win asak ( 40 ) jan yan hpe Myen Hpyen Dapnu ( 101 ) npu na hpyen hpung ni  March praw, 7 ya shana maga hkying 3:00pm aten hte hkying 4:00pm aten laman rim woi mat ai lam na chye lu ai.

Dai Salang yan hpe san jep adup zing ri nna bai dat dat sai, ya aten hta salang yan tinang a dum nta hta bum tsi hte tsi tsi hkamla nga ai lam buga masha ni tsun ai kawn chye lu ai.

Myen hpyen hpung ni March praw, 5 ya shani kaw nna, Lidu lam mayan hta gaduk htu nna, ding yang nga nga ai lam hpe mung na chye lu ai.