Jinghpaw Mungdaw Dingchyai Hkyeng Hpung kaw nna Manping mare de sa du garum
Jinghpaw Mungdaw Dingchyai Hkyeng Hpung (ကခ်င္ျပည္နယ္ ႀကက္ေျခနီအသင္း) kaw nna Manmaw Manping mare na yak hkak hkrum nga ai htinggaw 58 hpe December shata 18 ya shani htinggaw mi hpe gumhpraw kyats sen 4 hpra garum jaw ai lam na chye lu ai.
Ya na zawn garum jaw ai lam gaw hpyen yen camp kaw na yak hkak hkrum ai htinggaw ni hpe sha garum jaw ai sha n-ga, mare kahtawng ni hta mung grai yak hkak hkrum ai kun dinghku ni hpe mying jahpan hta nna garum ningtum jaw ai lam chye lu ai.
Jinghpaw Mung Dingchyai Hkyeng Hpung hta masha amyu wuhpung wuhpawng makam masham n ging hka ai yawng shang lawm mai ai rai nna, masha galaw ai hpyen, shingra maka hpyen a majaw ru yak jam jau hkrum wa ai ni yawng hpe garum ningtum jaw nga ai wuhpung wuhpawng re lam, Jinghpaw Mungdaw Dingchyai Hkyeng Hpung Ningbaw Sara Lahpai Brang Di tsun ai.
Jinghpaw Mung Dingchyai Hkyeng Hpung ni kaw nna Jinghpaw Mung ting na Tsi Rung ni hte Quarantine center kaw shanu nga ai mung masha ni a COVID-19 ana jep chyoi ai masha marai 24449 a mahkak hpe Yangon, Mandalay de sa sa ai kaw 6 lang shang lawm lu sai lam, matut nna garum ningtum ra ahkyak wa ai mungchying mungshawa ni hpe garum ningtum jaw sa wa na re lam chye lu ai.
Photo Credit; Mrcs Kachin
