Hpu-awn shalat jawng hta KIC Ningbaw Malai Du Kaba Sumlut Gun Maw kaw nna Mungga sa du jaw
Wunpawng Mungdan Shanglawt Asuya, Ningbaw Malai Du Kaba Sumlut Gun Maw kaw nna December shata 19 ya shani hpu-awn shalat jawngma ni hpe shatsam mungga sa jaw ai re lam chye lu ai.
Mungga jaw ai hta, Ninggawn mung masa sharin achyin ai lam gaw KIO hpung pati shang, nshang ai hte seng ai nre, ninggawn mungmasa hpe Wunpawng gumrawng gum tsa mungdan gawde lu ai aten du hkra, mungchying mungshawa ni yawng chye na hkan sa ra ai lam shatsam mungga hta tsun ai.
Myen Asuya kaw nna Kachin ngu ai hpe amyu shalaw nna garan ginghka ai lam galaw ai raitim, Kachin ngu ai gaw Wunpawng re ngu ai hpe yawng chye na da ra ai lam, ya na zawn galaw ai gaw wunpawng amyu sha ni hpe myit garan ya ai rai nna, shawng lam de sit sa wa ai shaloi shawa hte bungli galaw ai ten hta shawa myit rawng ra ai lam, aten langai hta grai ahkyak ai bungli galaw ai shaloi, amyusha lawt lu na lam hpe pat kau ai lam nbyin hkra sadi sahka hte galaw sa ra na lam, mungga hta matut tsun ai.
Mungga jaw hpawng hta Ningbaw Malai kaw nna shatsam mungga shaga ngut ai hpang, hpu-awn shalat jawngma ni hte ga san ga htai lamang galaw ai lam, ya aten hpu-awn shalat jawng lung taw ai jawngma ni gaw, Masat Yan (13), hte (14) re lam chye lu ai.
