Ginjaw Komiti Ninggawn Amu Madu kaw nna hpu-awn shalat jawngma ni hpe shatsam mungga jaw
Wunpawng Mungdan Shanglawt Hpung, Ginjaw Komiti Ninggawn Amu Madu Sara Kaba Kumhtat Hting Nan kaw nna Wunpawng Mungdan Shalawt Asuya, Mungchying Uphkang Dap kaw nna hpaw sharin ai Masat Yan (13), Masat Yan (14) hpu-awn shalat jawngma ni hpe December shata 21 ya shana hkying 6:00pm aten hta shatsam mungga sa du jaw ai re.
Mungga jaw ai hta, jawng yu nna magam bungli gunhpai sa wa na ni gaw, mungshawa ni hpe woi zinlum ai lam hta ra ning ra ai lam nnga hkra, sadi sahka hte woi awn galaw sa ra ai rai nna, tinang a arawng sadang hpe manu shadan ra ai re, jaw kaja ai hte n kaja ai hpe garan ginghka lu ai bawnu machye machyang nga ai hte, hpu-awn shalat jawng hta sharin achyin ya ai lakjat ni hpe matsing la, myit dum nna, magam bungli hpe awngdang ai hte galaw sa wa ga nga nna numhtet shatsam mungga jaw ai lam chye lu ai.
Hpawng hta, jawngma ni hpe yu reng uphkang ai Du salang ni, Masat Yan (13) hte Masat Yan (14) jawngma ni yawng, marai 291 mungga sa du madat hkam la ai lam chye lu ai.
