Hk.M.Y ( 424 ) dap na Myen hpyen hpung ni Mungmasha ni hpe mara kata adup zing ri

Sinna Ginwang Ginjaw, KIA Dap Ba ( 2 ), Dap Dung ( 6 ) ginra, Kamaing lung wa lam Hka San mare kaw du nga ai Myen hpyen Hk.M.Y ( 424 ) dap na Dap Up Thein Zaw Win woi awn ai

hpung ni March, 20 ya shani Hka San mare na Shadang Japan Tu, Mg. Zalah, Mg. Thar Thar hte Mg. Nyi Pu Lay ni hpe mara kata rim adup zingri da ai lam dai buga na mungshawa ni tsun ai kawn chye lu ai.

March, 17 ya shani hta Nam Hpyek mare salang U Aung Myint Soe hpe mung KIA hte matut mahkai nhtawm ahkun hkan se gumhpraw hta ya ai ngu nna, Danai D.K.Ts na hpyenla marai 4 sa rim woi mat wa ai, March, 21 ya shani bai dat ya sai lam, buga masha ni kawn chye lu ai.