Kachin Sub-State ginra hta KIA hte Myen hpyen hpung ni laja lana gasat majan byin
Mungmyit Sinli Ga, Kachin Sub-State KIA Dap Ba ( 6 ) Dap Dung ( 36 ) ginra, Mungbaw, Man Kawng mare ntsa kaw Dapnu ( 11 ) kata na Myen hpyen hpung hte KIA Dap Dung ( 36 ),
Dap Dung ( 38 ) na hpyen hpung ni March 24 ya jahpawt hkying 7:00am aten hta laja lana gasat gala majan byin ai lam na chye lu ai.
Gasat gala majan byin ai majaw, Man Kawng mare na mungshawa ni ya aten Huwa buga hpung wang hta gan yen machyu nga ai lam dai ginra na buga masha ni tsun ai kawn chye lu ai.
