Ga Ra Yang hpyen yen ni dum nta wa na matu hkyen lajang nga

Ga Ra Yang mare hpyen yen mungshawa ni tinang mare buga dum nta de tara shang bai nhtang wa nga lu na matu, KHCC hte seng ang ai Asuya ni kaw tang madun shawk shawn laika bang da sai re majaw, tara shang ahkang lu ai hte wa nga na matu, mare de wa du gawan, nam hkyen jasan jaseng lam galaw nga ai re lam chye lu ai.

Mare kata dum nta wang jasan jaseng ai lam hpe dai shara kaw nga ai, Hpyen Dap ni hte bawngban jahkrup la ra ai majaw yak hkak ai lam, hpyen yen kata hta mung hkrit tsang ai lam ni a majaw, jahkrum la na mayak nga ai lam, Ga Ra Yang mare masha Salang Mukwa Lum Zawng tsun ai.

Ga Ra Yang mare kaw hkam bawm ni hpe jasan ya na lam, mare hte ni ai shara kaw hpyen dap njung na matu hte mare masha ni a matu hkam dahka nga ai shim lum lam hpe lu la na matu ra sharawng ai lam chye lu ai.

Ga Ra Yang mare de wa nga na matu, tara shang mying jahpan bang da ai htinggaw (460) jan nga ai lam chye lu ai.