Mazut roi rip hkrum ai Saranum yan a 6 ning hpring masat akyu hpyi hpawng galaw
Photo Credit; Fb
KBC Laika Sasana Saranum, Tangbau Hkawn Nan Tsin hte Saranum Maran Lu Ra yan a Mazut Roi Rip sat kau hkrum ai 6 ning hpring masat akyu hpyi hpawng hpe January shata 19 ya shani hkying 10:00am aten KBC Kachin Facebook Page kaw nna, Live shapoi galaw ai lam chye lu ai.
KBC ginjaw kawn woi awn let, 5 ning ladu hkrum myit dum akyu hpyi hpawng hpe gaw lai wa sai shaning hta Myitkyina Nawngnang mare, Jaw Bum kaw mungshawa law law hte wu wu di di galaw ai lam nga sai raitim, dai ning gaw COVID-19 ana zinli a majaw akyu hpyi hpawng hpe Online hku na sha galaw ai re lam chye lu ai.
Saranum yan a amu manghkang garai n ngut kre shi ai re majaw, tengman ai mahtai pru wa na matu, myit mada nga dingyang rai nga ai hte seng ang ai Komiti kaw nna, n-dai a mu manghkang hpe matut sawk sagawn nga dingyang naw rai nga ai lam hpe mung chye lu ai.
Mungshawa ni kaw nna mung Sasana Saranum yan a amu manghkang hte seng nna, teng man ai mahtai lawan pru wa lu na matu, akyu ja ja jawm hpyi garum na lam KBC ginjaw n-dau da ai kaw na chye lu ai.
