(60) ning hpring rawt malan mungga madi shadaw ai sang lang hpawng galaw
Ningbaw Kaba Nban La a (60) ning hpring rawt malan mungga hpe madi shadaw ai, hpaji jaw tsun jahpra sanglang ai mungshawa hkrumzup hpawng hpe Ginjaw ginra Pa Jau, Sha-it-Yang kaw February shata 12 ya shani hkying 11:00am aten hta galaw la lu sai re.
Hkrumzup hpawng hta Ginjaw Tara Rung Lit Hkam Du Kaba Lahpai La kaw nna Ningbaw kaba a rawt malan mungga hpe madi shadaw sang lang ya ai re.
Ningtau Ninggawn Amu Madu Salang Kaba Labang Doi Pyi Sa kaw nna mung1969 ning ninggawn mung masa masat shadaw byin tai wa ai labau kadun hpe tsun sang lang nna, Ninggawn mung masa policy laika byin pru wa hkra ka shalat ai ningbaw ningla ni hpe shagrau sha-a ai masat dingsat mung galaw ai re.
Zuphpawng hta Ginjaw Komiti Salang ni hte Pa Jau, Sha-it-Yang, Zin Lum nga ai mungshawa ni yawng (1000) daram sa du shang lawm ai.
Ya na zawn mungga madi shadaw sanglang hpawng ni hpe Woi Chyai Camp, Dai Lawn Rung hte KIO uphkang ginra kata shanu nga ai mungchying mungshawa ni hpang de Ginjaw Komiti Salang ni kaw nna sa du tsun jahpra dan ai lam galaw nga dingyang re hpe chye lu ai.
