Ga shagawp ka shanglawm shingjawng ai hta masat lu ai ni hpe kumhpa shagrau
(60) ning hpring (61) lang na mungshawa shanglawt rawt malan masat ninghtoi Ga shagawp ka shingjawng lamang shabyin shatai komiti ni kaw nna woi awn galaw ai (60) ning hpring rawt malan masat ninghtoi masat Ga shagawp ka shingjawng shanglawm ai hta, masat lu ai Ga shagawp ningka ni hpe matut mahkai lu ai hta hkan nna February shata 16 ya sha ni kawn kumhpa shagrau jaw nga sai lam na chye lu ai.
Ga shagawp ka shingjawng ai hta madang shang ai ni gaw, No. (1) Nshung Japkyi, No. (2) Hpungtau Maji La Mai (Myu Tsaw Usa) hte No.3 Maran Seng Tu Mai ni hkam la lu ai re.
Madang shang ai ni hpe shagrau lakmat hte gumhpraw kumhpa shagrau jaw ai rai nna, laksan kumhpa hku nna marai 9 hpe kyats mun 2 hpra shagrau ai lam chye lu ai.
Ga shagawp ka shingjawng lamang hta, anhte a laili laika hpe tsawra let labau, htunghking lam ni hpe Ga shagawp hku nna shanglawm shingjawng ai yawng hpe chyeju dum ai lam, matut nna mung laili laika hte amyu hpe tsawra ai myit hte kaga lamang ni hta mung shanglawm na matu komiti a gawng malai saw lajin ai lam, lamang shabyin shatai komiti Amu Madu Shadang Krawn Naw Awng tsun ai.
Ga shagawp ka shingjawng lamang hta, Jinghpaw Mung, Mungmyit Sinli Ga hte Jarit mayan kaw shanu nga ai mungshawa ni shanglawm shingjawng ai re lam chye lu ai.
