Nawngmi buga hpung de ( 50 ) ning hpring Ja jubili chyeju shakawn poi galaw ngut

Myitkyina Ginwang Nawngmi buga hpung de ai ( 50 ) ning hpring Ja jubili chyeju shakawn poi kaba hte ( 50 ) ning hpring masat gawknu dingshawng akyu hpyi hpawng hpe angwi apyaw

galaw ngut sai lam na chye lu ai.

Ndai hpawng hpe March 27 ya shani manam zup ai, 28 ya jahpawt hkying 08:00am aten e mara raw akyu hpyi lamang galaw nna, shani hkying 11:00am aten hta ( 50 ) ning hpring masat  gawknu ding shawn hpawng hpe galaw ai, 29 ya jahpawt daw hta hkalup hkam ai lam hpe galaw nhtawm, shani na aten kaw nna ( 50 ) ning hpring Ja jubili chyeju shakawn hpawng hpe galaw la lu ai lam, dai ni March 30 ya shani gaw manam bra sai lam, Nawng Me buga na salang langai tsun ai kawn chye lu ai.

Shana na aten hta yu ngwi mahkawn ka hkrang lamang ni galaw ai hta yu ngwi shayi shadang nkau mung shanglawm ai lam, bai nna, Balen Shingni hpung ni mung wa du lawm ai lam na chye lu ai.

Nawngmi buga hpung hpe lai wa sai 1967 ning kaw nna de hpang ai buga langai re hpe mung chye lu ai.