Myen hpyen hte Sam Hkyeng Pyi Tu Tsit ( P.T.Ts ) ni hpyen lahkawn

Sinna Ginwang Ginjaw, KIA Dap Ba ( 8 ), Dap Dung ( 26 ) ginra hta nga ai Myen hpyen hpung hte Sam Hkyeng Pyi Tu Tsit ( P.T.Ts ) ni April praw, 4 bat hpang 2 ya shani, He Pan mare

hte Mawk Kam mare ni hta P.T.Ts galaw na matu, hpyen lahkawn hkawm nga ai lam, dai buga na mare masha ni tsun ai kawn chye lu ai.

Lai wa sai April praw, 2 laban shani hta KIA Dap Ba ( 2 ), Dap Dung ( 6 ) ginra Ale Tung mare kaw Sam Hkyen P.T.Ts ni kawn mungshawa marai 50 daram hpe KIO/KIA ni ahkun hkanse sa hta ai lam hte hpyen sa lahkawn ai lam nga wa yang lawan ai hku shana ya na matu, zuphpawng woi galaw lai wa sai re hpe mung chye lu ai.