Tingkawk mare makau kaw KIA hte Myen Hpyen Dap ni gasat gala majan byin

KIA Masat (2) Dap Ba, Masat (43) Dap Dung ginra, Laksan Danai Ginwang Daw, Kawng Ra Ninghtawn, Tingkawk mare lup wa kawng makau kaw March shata 18 ya shana maga 4:10pm aten hta, KIA Masat (43) Dap Dung hpyen hpung ni hte Myen Hpyen Dap, Hk.L.Y (238) hpyen hpung ni gasat gala majan byin ai lam na chye lu ai.

“ျမဟန္ hte က်ားထိန္းသိမ္းေရး lapran kaw malu masha arung arai htaw shalai ai Mawdaw hpe shim lam la ya nga ai Myen hpyen hpung ni hpe KIA ni htim gasat ai re, Myen hpyen maga hkra machyi ai lam nga ai, gasat gala byin ai shara gaw mare hte tsan ai majaw mungmare masha ni hta hkra machyi ai lam nnga ai re” nga nna Tingkawk mare na salang langai tsun ai.

KIA ni htim gasat ai majaw, ya aten ျမဟန္ hte က်ားထိန္းသိမ္းေရး kaw dap jung nga ai Myen hpyen hpung ni gaw, Tingkawk Myen Hpyen Dap de wa htawt nga taw ai rai nna, Myen Hpyen Dap hte KIA lahkawng maga hpyen shamu shamawt lam matut galaw wa yang gasat gala majan matut manoi byin wa mai ai lam salang wa matut tsun ai.

Ya aten KIA hpyen hpung ni hte Myen Hpyen Dap ni gaw Mungmyit Sinli Ga (Kachin Sub-state) hte Jinghpaw Mung ginra ni hta, February shata kaw nna gasat gala majan bai byin hpang nga sai re.