KIA Dap Dung ( 27 ) hpyen hpung hte Hk.L.Y ( 236 ) dap ni gasat gala majan byin

Sinpraw Ginwang Ginjaw, KIA Dap Ba ( 3 ), Dap Dung ( 27 ) ginra hta shamu shamawt nga ai, Hk.L.Y ( 236 ) Dap na Myen hpyen hpung hte KIA Dap Dung ( 27 ) na hpyen hpung ni,

April praw 5 ya jahpawt hkying 7:10am aten daram hta Hka Pra Yang mare makau Gadung hkaraw kaw gasat gala majan byin ai lam, ginra shisawk ni tsun ai kawn chye lu ai.

Lai wa sai April praw 2 laban shani, ndai Myen Hpyen Dap Hk.L.Y ( 236 ) na hpyen hpung ni, lam madun ngu rim woi mat ai, Mung Hkawng mare na shadang Uraw Tu asak 17 ning hte shadang Tsumhka Myu San Awng asak 29 ning yan hpe, April praw 5 ya shani dat dat ya sai lam na chye lu ai.

Ramma La sha yan gaw, dai hpawt hkying 8:00am aten daram hta dum nta de angwi apyaw du wa sai lam, ginra shisawk ni tsun ai kawn chye lu ai.