KIA Masat (9) Dap Ba Head Quarter hpe Myen Hpyen Dap ni jet nbungli hte numdaw (2) lang bawm wa jahkrat
KIA Masat (9) Dap Ba Head Quarter hpe March shata 28 ya jahpawt hkying 9:2am aten hta, Myen Hpyen Dap ni jet nbungli hte numdaw (2) lang bawm wa jahkrat, gap gayin kau da ai lam na chye lu ai.
March shata 28 ya shani hkying 3:30pm aten Taw Maw kaw shara jahkrat nga ai Myen Hpyen Dap Hk.M.Y (119) ni hpe KIA Masat (9) Dap Ba hpyen hpung ni sa htim gap nna bai htingnut wa ai lam kaw mung, Myen Hpyen Dap ni Helicopter (2) hte bawm wa jahkrat bun ai lam, shawng lam na lit nga ai salang langai tsun ai.
March shata 28 ya shani hkying 3:16pm aten, KIA Masat (6) Dap Dung ginra, Sang Hka Maw ရတနာရွှေအိတ် company wang, Kade Maw ျမဥယ်ာဥ္ company wang hte ျမစ္ဆုံေအးျမသာယာ company wang ni hta shara jahkrat nga ai Masat (28) Myen Balik Dap ni hpe KIA Masat (6) Dap Dung ni sa htim gap ai lam chye lu ai.
March shata 28 ya shani hkying 3:40pm aten hta mung, KIA Masat (6) Dap Dung ginra, Gin Si Dingnyin Kawng kaw shara jahkrat nga ai Myen Hpyen Dap Hk.L.Y (76) hpyen hpung ni Taw Maw maga 120mm (21) lang gap bun ai lam, shawng lam shisawk ni tsun ai kaw na chye lu ai.
Ya aten Jinghpaw Mung hte Mungmyit Sinli Ga (Kachin Sub-state) ginra shara shagu hta, KIA hte Myen Hpyen Dap lahkawng maga hpyen shamu shamawt ai lam shada dingyang maja hkat taw ai aten re majaw, gasat poi ni matut manoi byin wa mai ai re.
