KIA Dung ( 27 ) gira hta gasat gala majan matut manoi byin
KIA Dap Ba ( 3 ), Dap Dung ( 27 ) ginra Sindi bum marawn Mungdung mare dingsa kaw, April 9 ya jahpawt hkying 5:25am aten daram kawn hkying 10:30am aten du hkra, Hk.L.Y
( 236 ), Hk.M.Y ( 319, 601 ) Dap na Myen hpyen hpung hte KIA hpyen hpung ni laja lana majan matut byin ai lam na chye lu ai.
Hkying 11:00am aten kawn hkying 2:30pm aten du hkra numdaw 2 lang laja lana bai gap hkat ai re lam, Myen hpyen dap ni kawn Madang Yang, Mak Chyawk Sun, Munghkawng, Kai Htik ndai shara 4 kaw nna, laknak kaba hte gap sharu bun ai majaw, KIA Dap Dung ( 27 ) a shawnglam post 1 hpe gan yen da ai lam, ginra shisawk ni tsun ai kawn chye lu ai.
KIA Dung ( 27 ) ginra Sindi bum marawn hta laiwa sai April 5 ya shani, Hk.L.Y ( 236 ) Dap na Myen hpyen hpung hte KIA Dap Dung ( 27 ) na hpyen hpung ni Gadung Kadit hkaraw kaw ang katut gap hkat ai kawn Dung ( 27 ) ginra hta laja lana gasat majan byin wa ai re lam chye lu ai.
