Dumbang mare hte Kum Tsai Yang mare lapran kaw KIA hte Myen Hpyen Dap ni gasat poi byin

KIA Masat (2) Dap Ba, Masat (20) Dap Dung ginra, Danai Lido lam Dumbang hte Kum Tsai Yang mare lapran kaw March shata 30 ya shani hkying 10:20am-11:38am aten laman hta, KIA Masat (20) Dap Nawng Dap Dung ni hte Myen Hpyen Dap Hk.L.Y (86) ni gasat poi byin ai lam chye lu ai.

Myen hpyen hpung ni gaw KIA ni nga ai makau grup yin hkan hpyen shamu shamawt shang wa ai majaw KIA hte gasat poi byin ai rai nna, shiga hpe matut sagawn nga dingyang re lam, gasat poi byin ai ginra na lit nga ai salang langai tsun ai.

Jinghpaw Mung kata KIA hte Myen Hpyen Dap lahkawng maga hpyen shamu ai lam dingyang galaw nga ai majaw, March shata 11 ya shani kaw nna gasat poi matut manoi bai byin nga ai re.