Myen hpyen hpung ni hpe KIA ni hkap shingla gasat

Mungmyit Sinli Ga (Kachin Sub-state) KIA Masat (6) Dap Ba, Masat (36) Dap Dung ginra, Man Yang hte Bang Mwi lapran kaw April shata 6 ya shana maga hkying 5:10pm aten daram hta, Hpawng Seng maga kawn lagaw lam hte pru wa ai Myen Hpyen Dap, Y.M.Hk kata na hpyen n-gun (60) daram hpe Dung (6) hpyen hpung ni hkap shingla gasat ai re lam chye lu ai.

April shata 6 ya jahpawt hkying 8:50am aten daram hta mung, KIA Masat (4) Dap Ba, Masat (8) Dap Dung ginra, Mung Wi mare kaw dap jung nga ai Myen Dap n-gun (30) daram hpe Nakawng mare makau kaw Dung (8) ni bawm hte hkap shingla gasat ai re lam, Dung (8) ginra na lit nga ai salang langai tsun ai.

Mungmyit Sinli Ga ginra hta gaw, hpyen shamu shamawt masa hta hkan nna gasat gala majan matut byin wa mai ai lam chye lu ai.