KIA hte Myen Hpyen Dap ni gasat gala majan laja lana matut byin nga
KIA Masat (5) Dap Ba ginra, Alaw Bum lagaw Myu Tit Kunglaw mare ntsa, Salawng Kawng kaw April shata (26) ya jahpawt hkying 8:00am aten daram kaw nna shana de du hkra KIA hte Myen hpyen hpung ni gasat gala majan laja lana byin ai rai nna, dai shara de Myen Hpyen Dap kaw nna hpyen nbungli hte wa gap gasat garum ai lam nga ai re hpe na chye lu ai.
April shata 25 ya jahpawt kaw nna shana maga hkying 3:00pm aten daram du hkra mung, Salawng Kawng (tower shadaw) grup yin kaw Myen Hpyen Dap kawn Jet Fighter nbungli hte numdaw (10) lang bawm wa jahkrat gap garum ai lam nga ai.
Shana hkying 8:20pm aten daram hta gaw, Shang Htung Bum kaw nga ai Hk.M.Y (387) dap hte pawnghpawm Myen hpyen hpung ni hpe KIA hpyen hpung ni sa htim gap gasat ai re lam chye lu ai.
April shata 24 ya shana hkying 7:35pm aten daram hta mung, Ginjaw ginra makau Gaw Ngu Kawng kaw nga ai Myen hpyen hpung ni kaw nna Daw Hpung Yang mare kata de sinat kaba (6) lang jahte tam gap bun ai re lam chye lu ai.
