Gasat gala majan byin ai Salawng Kawng de laknak kaba, hpyen nbungli ni hte matut manoi gap bun
April shata 26 ya shani gasat gala majan byin ai Salawng Kawng de Ma Hkoi, Laknak Kaba (A.M.T) (366) dap kawn laknak kaba matut manoi gap bun nga ai re sha n-ga, jet fighter nbungli, Helicopter ni hte numdaw (10) lang bawm wa jahkrat, wa gap garum ai re lam na chye lu ai.
Ginjaw Ginra, Salawng Kawng grup yin hta April shata 26 ya jahpawt hkying 8:10am aten kaw nna shana hkying 7:00pm aten du hkra KIA hte Myen hpyen hpung ni gasat gala majan byin ai re.
Shana maga hkying 3:00pm aten daram hta mung, Chying Yu Bum de Helicopter hte wa gap bun ai rai nna, Hk.M.Y (438) dap kawn KIA Dap Ba (5) ginra de 105mm (4) lang gap bun ai re lam chye lu ai.
Lai wa sai April shata 24 ya shani hta mung, KIA Dung (9) hpyen hpung ni hte Bang Lum Bum de lung wa ai Dapnu (99) kata na hpyen n-gun (100) daram hpung ni gasat gala majan byin ai lam na chye lu ai.
