KIA Dap Ba (3), Dap Ba (5) hte Dap Ba (6) ginra ni hta gasat gala majan matut byin
KIA Masat (3) Dap Ba, Masat (12) Dap Dung ginra, Tan mahkrai (သံတတား) mare baw kaw shara jahkrat nga ai Hk.L.Y (276) dap na hpyen hpung ni hpe April shata 28 ya jahpawt jau hkying 3:30am-4:04am aten laman KIA Dung (12) hpyen hpung ni sa htim gap gasat ai lam na chye lu ai.
Shani hkying 1:00pm-2:40pm aten laman hta gaw, KIA Masat (6) Dap Ba, Masat (9) Dap Dung ginra, U Ra Bum maga kawn pru wa ai Dapnu (99) kata na hpyen n-gun (150) daram hpyen hpung ni hpe KIA Dung (9) hpyen hpung ni Magwi Wulu Hkyet kaw hkap gap ai kawn gasat gala majan byin ai.
Jahpawt hkying 6:30am-5:00pm aten laman hta gaw, KIA Masat (5) Dap Ba npu, Masat (25) Dap Dung ginra, Salawng Kawng (tower shadaw) grup yin de htu shadut lung wa ai Myen hpyen hpung ni hte KIA ni gasat gala majan laja lana byin ai re.
April shata 27 ya shani hta mung, Shang Htung Bum Myen Dap hpe KIA hpyen hpung ni sa htim gasat ai kawn gasat gala majan byin ai lam na chye lu ai.
Shani hkying 11:30am aten hta gaw, Hk.M.Y (387) dap kawn gap dat ai sinat kaba si hkra nna Kung Law mare kaw na Salang Lau Oo asak si sum mat ai lam na chye lu ai.
