Salawng Kawng kaw gasat gala majan laja lana matut byin nga

KIA Masat (5) Dap Ba, Masat (25) Dap Dung ginra, Alaw Bum lagaw, Myu Tit-Kunglaw mahkrai ntsa, Salawng Kawng (tower shadaw) grup yin shara ni hta, April shata 7 ya jahpawt hkying 5:30am aten kaw nna bai hpang nhtawm, KIA hte Gumshem Myen hpyen hpung ni gasat gala majan laja lana matut byin nga ai lam chye lu ai.

Gasat gala majan byin ai hta, Gumshem Myen Hpyen Dap maga kawn shani shana hpyen nbungli ni jai lang nna bawm wa jahkrat, wa gap gasat ai lam galaw nga ai sha n-ga, hpyen n-gun htu shadut nna sinat laknak kaji kaba hte hkrup mara gap bun ai lam, shawng lam shisawk ni kawn chye lu ai.

Ya aten Gumshem Myen Hpyen Dap hte laknak lang rawt malan wuhpung wuhpawng ni gaw, shara shagu hta gasat gala majan byin nga ai lam na chye lu ai.