Myen hpyen ni hkam da ai bawm kapaw la nna, mungshawa si hkala hkrum
April 19 ya shana maga hkying 5:00pm aten hta Manmaw ginwang Manje mare hta dap jung ai Myen Hpyen Dap Hk.M.Y ( 319 ) ni hkam da ai bawm kabaw la nna, mungshawa
marai langai si, marai lahkawng hkala hkrum ai lam na chye lu ai.
Bawm kapaw hkrum ai ni gaw Manje mare Pyin Oo Lwil lawk na salang Wahpai Brang Nan hte Ale Mi yan a kasha Wahpai Seng Pan asak 22 ning ( Secand Years ), Wahpai Ji Pan asak 16 ning ( Tsang 10 htai da), Wahpai Htu Tawng asak 9 ning ni rai nna, Wahpai Htu Tawng gaw si mat ai lam na chye lu ai.
Shan nau ni mare shingdu yi kaw hkran sawm ai shaloi kapaw wa ai re lam, ya aten si hkala hkrum ai shannau marai masum hpe Manmaw mungshawa tsi rung hta bang da sai lam, buga na masha ni tsun ai kawn na chye lu ai.
